Tuesday, July 17, 2018

Ҳузни ҷаҳон

Ҳузни ҷаҳон нуҳуфта ба оҳи ману шумо,
Шӯрест дар камини пагоҳи ману шумо.
Андӯҳу хашм майсараву маймана шаванд,
Озодагӣ - нақиби сипоҳи ману шумо.
Озурдагӣ, ки қофиласолори ҷангҳост,
Сабт аст аз тариқи нигоҳи ману шумо.
Безори ҷангу толиби сулҳам, Худо гувоҳ,
Рӯзи масоф ашк гувоҳи ману шумо.
Эй осмон, чи ҷои дурахшидани маҳ аст?
Ҳоло, ки нест ламъаи моҳи ману шумо...
Торихи мо, ки рози бақои ману шумост,
Афсонае ба ҷурму гуноҳи ману шумо.
Мо бо шитоб - ъозими он рӯзи воқеъа,
Ӯ бо ъитоб - ъомили чоҳи ману шумо.
Гӯӣ Худо ба рағми ману мо нишастааст,
Дар маърака фиканда кулоҳи ману шумо...
ДР
26 тири 1397 / 17.07.18
حزن جهان نهفته به آه من و شما
شوری است در کمین ‌پگاه من و شما
اندوه و خشم، میسره و میمنه شوند
آزادگی، نقیب سپاه من و شما
آزردگی که قافله‌سالار جنگ‌هاست
ثبت است از طریق نگاه من و شما
بیزار جنگ و طالب صلهم، خدا گواه
روز مصاف، اشک، گواه من و شما
ای آسمان چه جای درخشیدن مه است؟
حالا که نیست لمعه ماه من و شما...
تاریخ ما که راز بقای من و شماست
افسانه‌ای به جرم و گناه من و شما
ما با شتاب، عازم آن روز واقعه
او با عتاب عامل چاه من و شما
گویی خدا به رغم من و ما نشسته است
در معرکه فکنده کلاه من و شما...

Эй қавми беирода

Эй қавми беирода, эй сояҳои дирӯз,
Чунед зери бори хории хонумонсӯз?
Аз хоки сахти мо ҷуз хори фано нарӯяд,
Гунгему хобдида, таъбири мо ки гӯяд?
То чанд ъишқбозӣ бо дузди хонаи хеш?
То кай намешиносӣ гурге ба ҷомаи меш?
Парвардигор гӯё чашме ба мо надода,
Ё чашмаи басират дур асту мо пиёда.
Шӯр аст оби тақдир аз дасти чанд бепир,
Рӯзам намак надорад аз нолаҳои шабгир.
Дар оташи ҷаҳаннам, аммо ҳанӯз хомем,
Ошуфтаву парешон нуҳ милиюн имомем.
Коме, ки хӯ гирифта бо таъми талхи заҳре
Ширин намешиносад дар ҳеч барру баҳре.
Дунё ҳазор чархиш диду асар надорад
Бар тӯдае, ки дардо, гӯё, ки сар надорад.
Дардам ҳазор Чоч аст, бевар-ҳазор Балх аст,
Як каҳкашон Бухоро... Як осмон талх аст...
ДР
26 тири 1397 / 17.07.18
ای قوم بی‌اراده، ای سایه‌های دیروز
چونید زیر بار خواری خانمان‌سوز؟
از خاک سخت ما جز خار فنا نروید
گنگیم و خواب‌دیده، تعبیر ما که گوید؟
تا چند عشق‌بازی با دزد خانهٔ خویش؟
تا کی نمی‌شناسی گرگی به جامهٔ میش؟
پروردگار گویا چشمی به ما نداده
یا چشمهٔ بصیرت دور است و ما پیاده
شور است آب تقدیر از دست چند بی‌پیر
روزم نمک ندارد از ناله‌های شبگیر
در آتش جهنم، اما هنوز خامیم
آشفته و پریشان، ۹ میلیون امامیم
کامی که خو گرفته با طعم تلخ زهری
شیرین نمی‌شناسد در هیچ بر و بحری
دنیا هزار چرخش دید و اثر ندارد
بر توده‌ای که دردا گویا که سر ندارد
دردم هزار چاچ است، بیورهزار بلخ است
یک کهکشان بخارا... یک آسمان، تلخ است

Friday, July 13, 2018

Тоҷиконе хоин чун Хоким Мухаббатов...

Аз ҳамин сароғоз мутаассифам, ки ин матлабро менивисам. На ба хотири ин ки  даст ба чунин коре задаам, балки ба далели дурии мо, тоҷикон, аз шинохти масъалаи истиқлол.

Ҳанӯз ҳастанд афроде, ки вобастагии мутлақ ба Русияро ниҳояти истиқлоли Тоҷикистон медонанд ва ъоҷиз аз дарки ин мавзӯъ ҳастанд, ки вобастагӣ ба Русия, ба худии худ, хилофи истиқлоли Тоҷикистон аст.

Хоким Мухаббатов ном касе, ки солҳо пеш тобеъияти Русияро пазируфта ва ъузви Ҳизби Кумунисти Русия аст, ба худ иҷоза медиҳад, ки дигаронро ба роҳу расми “истиқлол” ҳидоят кунад. Ва чи навъ истиқлоле?

Хоким Мухаббатов ҳамешаи Худо худро ба ъунвони нивисандаи китоби “Воля к свободе” (“Ихтиёри озодӣ”) муъаррифӣ мекунад, баростӣ як чунин китобе ҳам нивиштааст. Албатта, равшан нест, ки китобро дақиқан чи касе нивишта, чун, бино ба мушоҳидоти мо, дониши забони русии Мухаббатов ба ӯ маҷол намедиҳад, ки ҳатто як ҷумларо беғалат ба забони русӣ (ё ба забони модариаш порсӣ) бинивисад. Аммо ман чунин эҳтимолро раво медорам, ки чиркнивиси пур аз ғалати Мухаббатов мавриди тармиму тасҳеҳи муфассали донои русе қарор гирифта бошад, то ин китоб мунташир шавад.

Ба ҳар рӯй, касе, ки дар гузашта худро раҳбари “Ҷунбиши Миллии Тоҷикистон” медонист, дар сароғози китоби худ хитоб ба раисҷумҳури Тоҷикистон менивисад:

«Восприняв очень болезненно распад СССР, в течение длительного периода времени я размышлял над этой проблемой и задавал себе вопрос, почему последствия этого распада в разных союзных республиках были различными?»
(“Воля к свободе”, Президенту Республики Таджикистан, Хоким Мухаббатов)

Тарҷума:
“Фурӯпошии Иттиҳоди Ҷамоҳири Шӯравии Сусиёлистӣ барои ман бисёр дарднок буд. Ба ҳамин далел ҳам зарфи муддати мадиде ба ин фикр будам, ки чиро паёмадҳои ин фурӯпошӣ дар ҷумҳуриҳои мухталифи шӯравӣ гуногун будааст”.

Яъне аз ҳамон сароғоз Хоким Мухаббатов эътироф мекунад, ки фурӯпошии Иттиҳоди Шӯравӣ барояш дарднок будааст ва ӯ намехостааст, ки Тоҷикистон як кишвари мустақил бошад. Мо дар баробари худ касеро мебинем, ки мухолифи истиқлоли Тоҷикистон аст ва тарҷеҳ медиҳад, ки Тоҷикистон ҳамчунон вобастаи Кремлин бимонад.

Барои тоҷиконе, ки истиқлоли кишварашон асли бадалнопазир аст, фурӯпошии Иттиҳоди Шӯравӣ мояи хурсандӣ буд. Аммо барои Хоким Мухаббатов будани Иттиҳоди Шӯравӣ беҳтар буд. Яъне набуди кишвари тоҷикон, ҳокимият, ҳукумат ва давлати Тоҷикистон барои афроде чун Хоким Мухаббатов ъайни муддаъо буд. Ӯ мухолифи истиқлоли Тоҷикистон аст ва худаш ҳам ба ин гуноҳи худ эътироф кардааст.

Афроде, ки барои фурӯпошии Шӯравӣ ҳамчунон ашк мерезанд, ҳамагӣ, бидуни истисно, душмани истиқлоли Тоҷикистон ҳастанд. Чун онҳо ҳаргиз намехостанд Тоҷикистонро як кишвари мустақиллу озод бибинанд, ки мухтор бошаду роҳу равиши худро баргузинад.

Хоким Мухаббатов дар идомаи номае, ки хитоб ба раисҷумҳури Тоҷикистон нивишта, мегӯяд:

Одновременно с научной деятельностью всё это время с целью защиты прав трудовых мигрантов Таджикистана я параллельно занимался и продолжаю заниматься общественной и правозащитной деятельностью.»

Тарҷума:

«Ҳамзамон бо фаъъолиятҳои ъилмӣ дар тӯли ин муддат бо ҳадафи дифоъ аз ҳаққу ҳуқуқи муҳоҷирони корӣ аз Тоҷикистон ман ба таври мувозӣ машғули корҳои иҷтимоъию ҳуқуқӣ будаму ҳастам».

Чанд намуна аз «корҳои ҳуқуқӣ», ки Хоким Мухаббатов барои муҳоҷирони тоҷик анҷом додааст:


Дар ин видеу мебинед, ки чигуна Хоким Мухаббатов бо гирифтани пули муҳоҷирони тоҷик ва сари кор гузоштани онҳо (ба далели таҳияи санади ҷаълӣ ё қалбакӣ) зиндагиашро мегузаронад. Дар ҳоле, ки тоҷикон ба далели санади ҷаълии Хоким Мухаббатуф аз Русия ихроҷ мешаванд.

Дар бораи дуздиҳои Хоким Мухаббатов ва хонаводааш аз тоҷикони овораву гирифтори Русия бисёр гуфтаанду мегӯянд, аммо булъаҷаб, ки ҳамкории Хоким Мухаббатов бо хадамоти ҷосусӣ ва давлатии Русия монеъ аз кашидани ӯ ба додгоҳ шудааст:

http://tajmigrant.com/v-deportacii-grazhdanina-tadzhikistana-avtor-knigi-volya-k-svobode-xokim-muxabbatov-obvinyaet-sotrudnikov-posolstva-i-gostevoj-dom-tadzhikistana-v-rossii-video.html

Ҷомеъаи тоҷики Русия, ки аз дасти хоине бо номи Хоким Мухаббатов ба дод омадааст, ҳамчунон мепурсад, аз дасти ин Ажидаҳок ба куҷо мешавад паноҳ бурд:

http://tajmigrant.com/zachem-i-v-kachestve-kogo-muxabbatov-x-m-naxoditsya-na-territorii-rf.html

Ва расонаҳои Русия ҳам Хоким Мухаббатов-ро бахубӣ шинохтаанду бӯ бурдаанд ва ӯро ба ъунвони кулоҳбардор (“мошенник”) дар сафаҳоти худ тарсим кардаанд:


Ва шикояти тоҷикон аз дасти як “тоҷик”-и дигар, ки акнун худро рус медонад ва ъузви Ҳизби Кумунисти Русия аст, тамомият надорад:


Аммо ъаҷобат инҷост, ки ҳамин нотоҷике, ки ба ҳамаи тоҷикон хиёнатро раво дида, ба худ иҷоза медиҳад, ки раисиҷумҳури Тоҷикистонро панд диҳад ва ба ӯ чапу рост нишон диҳад.

Пас аз дидиани матолиби боло мешавад фаҳмид, ки чиро ин шахси мавриди назар ҳамеша тақалло мекунад, ки тоҷикон ҳар чи бештар ба Русия муҳоҷирати корӣ дошта бошанд. Яъне Хоким Мухаббатов мехоҳад, ки шумори оворагони тоҷик дар Русия ҳар чи бештар бошад, то ӯ битавонад бо сӯиистифода аз вазъияти онҳо пулу маноле ҳосил кунад. Ин дақиқан ҳамон корест, ки ин фард анҷом медодааст.

Дар ҳамон “китоб”-и худ менивисад:

Отметим, что объём переводов таджикских трудовых мигрантов из России с 2009 года по 2013 год вырос в 2,3 раза, а ВВП за это время вырос в 1,71 раза… Одна из главных задач по этому вопросу для руководства Таджикистана и таджикской общины России должна заключаться в рассредоточении таджикских трудовых мигрантов по всем регионам России, где имеется нужда в рабочей силе.»

Тарҷума:

«Қобили зикр аст, ки ҳаҷми ҳаволаи муҳоҷирони кории тоҷик аз Русия аз соли 2009 то 2013 ба андозаи 2.3 баробар рушд доштааст, дар ҳоле ки тавлиди нохолиси миллӣ дар ҳамин давра 1.71 баробар афзоиш доштааст… Яке аз муҳимтарин вазоиф дар ин замина барои раҳбарии Тоҷикистон ва ҷамоъати тоҷики Русия бояд ин бошад, ки муҳоҷирони кории тоҷикро дар ҳамаи манотиқи Русия, ки ниёз ба нерӯи корӣ доранд, тавзеъ кунанд».

Яъне ин фард ҳам, чун шаҳрванди Русия ва ҳам ъузви Ҳизби Кумунисти Русия аст, тоҷиконро ба ъунвони нерӯе мебинад, ки бояд дар саросари манотиқи Русия тавзеъ шаванд. Мисли гову гӯспанд. Ва ҳаргиз дар каллаи гӯспандии худи ӯ ин фикр буруз намекунад, ки тоҷикон ҳам метавонанд зиндагии беҳтаре дошта бошанд, агар ба истиқлол бирасанд.

Ниҳоятан, мешавад дарёфт, ки як ҷосуси Русия дар ҳоли парокандани андешаҳои ъаҷибу ғариб дар миёни тоҷикон аст, то моро, дуруст ба монанди худаш, вобаставу бардаи Русия нигаҳ дорад ё ба чунон мавҷудоте табдил кунад. Ва ин сухани булъаҷаби ӯ далел аст:

«Очень важно также подчеркнуть, что СССР и Россия выступали стимуляторами развития образования, формирования и поддержания безопасности таджикской государственности до сегодняшнего времени.»

Мегӯяд:

«Таъкиди ин нукта бисёр муҳим аст, ки Иттиҳоди Ҷамоҳири Шӯравии Сусиёлистӣ ва Русия ангезаҳои пешрафти омӯзишу парвариши тоҷикон ва ташаккулу таҳкими амнияти давлатдории тоҷикон то ба имрӯз будаанд».

Ҳамин ки шумо қабул дошта бошед, ки пеш аз ин на қавме будаеду на миллате, балки як тикка хамир... ва як қудрати хориҷиро масъули таҳкими амнияти давлату ҳукумати худ бидонед, нишон медиҳад, ки то чи андоза хоинед…

Зинда бод Тоҷикистон, ба дур аз дасти ҳамаи қудратҳои ҷаҳон! Зинда бод Тоҷикистони мустақил бидуни фарзандони фурӯхташудае чун Хоким Мухаббатов! Зинда бод Тоҷикистон!