Nuclear Test At RFE/RL Tajik Svc

Дуруде чу буи хуши ошной ба так-таки дустон.

Ин нома ба маҳзи изҳори сипос ба азизоне чун Маъсумаи Турфа - аз беҳтарин журнолистони форсизабон, Салими Аюбзод – аз ситораҳои дурахшони журнолисми точик, Мирзонабии Холиқзод, Абдулқайюми Қайюмзод, Тоҳири Сафар, Расули Шодон, Ҳумоюни Шаҳриёр, Назруллоҳи Латиф ва тамомии бачаҳои “Озодй” дар Точикистон, Саидқосими Қиёмпур, Фарангиси Начибуллоҳ, Искандари Хоча Мирзода, Маъсуми Муҳаммадрачаб, Носирчони Маъмурзода, Насибчони Амонй, Мирасрори Фарғонй, Муҳаммадраҳими Сайдар, Латифи Латифй ва дусти нодидаву умедбахшам Каюмарси Ато навишта шудааст. Агар номи азизе аз қалам уфтод, бо бузургвории худ бибахшед. Ин ҳама афроде ҳастанд, ки ба гунае хотироти хушеро дар зеҳни ман ба чо гузоштаанд. Аммо он чи дар поин меояд, аз ин хотирот то андозае мутафовит аст.

Туфони дасисаҳое, ки бо вуруди ман ба родю Озодй бапо шуда буд, интизор меравад бо рафтанам фуру бинишинад. Аз ҳамин ҳоло нишонаҳояш ошкор аст ва қобили дилгармй. Ҳадафи ман ҳам мондагорй набуд. Озодй ба унвони танҳо родюи хоричй, ки барои Точикистон ин ҳама соъат дар руз барнома пахш мекунад, ҳамеша бароям чолиби таваччуҳ буд, аммо ҳаргиз то пои Маъсума ба ин чо нарасид, орзуи пайвастан ба онро надоштам. То кунун он чи лозим буд, барои барномаҳо анҷом додам ва “Озодй”-ро ба ҳадде, ки лозим буд (шояд ҳам беш аз ҳад), шинохтам. Бо ин ки мудирияти созмон хостори боқй мондани ман буд ва дустони азизе талош карданд маро ба мондан мутақоъид кунанд, тарҷеҳ додам биравам ва афродеро, ки аз ман эҳсоси хатар мекарданду мекунанд, осуда бигзорам, то пораи ноне, ки шояд манзури ниҳоишон аст, аз даҳонашон науфтад.

Шояд ин суханон барои бархе густохона ба назар бирасад ва мумкин аст тасмими ман барои иддае кудакона чилва кунад, аммо ин воқеъиятест, ки бо ду чашми дил метавон диду эҳсос кард. Дар як чунин ҳолате наметавон зист ва боз ҳам руноманигор боқй монд. Рузноманигорй ва ҳуввияти миллй ба сароб мепайвандад ва орзуҳои дунёии беарзише чои онро мегирад. Суҳбатҳо аз моварои пулу ғайбат фаротар намеравад ва равон ба гандоба мерезад. Ва дар ниҳоят, вучуди инсон ба як аломати суол табдил мешавад: Барои чй? Будан барои чист? Ва пучгарой имрузу охирататро метанад.

Ин тасвири раъшаовар, ки гуфтам, воқеъист, албатта, шомили ҳоли ҳамаи азизон дар Прог намешавад, аммо ҳама ин ҳолатҳоро аз наздик мушоҳида мекунем, медонем, бар сари он баҳс мекунем ва роҳи ҳалле ҳам намеёбем. Сурату сирати шуморе аз дустони қадимиам, ки ин чо зиндагй дубора моро ба ҳам овард, боваркарданй набуд. Эй кош дубора надида будам ва ҳамон тасвири нопухта дар зеҳни кудаконаам монда буд. Ҳамин чеҳраҳо маро аз ояндаам дар “Озодй” бим доданд. Ҳаминҳо маро ба кунчи риққат нишонданд, то ба андозае бинишинаму ба ҳолашон дилам бисузад, ки бидуни ин ки кафшамро пеши поям гузошта бошанд, бисотамро чамъ кунаму биравам.

Ман дар ин бора боз ҳам хоҳам гуфт ва хоҳам навишт. То замоне хоҳам гуфт, ки диди ҳамагон ба Точикистон иваз шавад. То замоне ки Точикистонро танҳо мухтассу вижаи худ надонем. Он ба афроде мисли ман ҳам таъаллуқ дорад ва ифтихори точик будан ҳамвора бо ман будаасту хоҳад монд. Ҳиссе, ки дар чашмони баъзеҳо ба чизе дигар табдил шуда. Чизе, ки бештар ба ҳақорату худкеҳтарбинй мемонад ва намедонам чаро ранги сабз дорад… Ва нуктаи талхтар ин ки ин афрод он чи мехостанд, нашуд. Оё бояд мутаассиф буд? Худ донед.

Ва аммо ҳамон гуна ки дар боло зикр шуд, як хирвор хотироти хуше ҳам бо ман ин сохтмонро тарк мекунад ва тушаи роҳам хоҳад буд. Ин тушаҳо бар пушт ва таъми самбусаи точикй дар ком шуморо ба Парвардигори якто месупорам. Чашми равонатон ҳамеша равшан ва қалбатон кошонаи нур бод.

Дориюш

PS: Тамос бо ман аз тариқи пайки электруники darius.rajabian@hotmail.com мумкин хоҳад буд.

Sent to RFE/RL Tajik team on 02 November 2006